ال.. إنتخابات

واحد السيد من المغرب الشقيق ناض واحد النهار قاليهوم غادي نترشح فالإنتخابات الرئاسية ضد الملك! شدوه المخابرات هوما يقولو ليه : واش نتا مهبول؟ هوا يقول ليهم : هذا هو الشرط زعما؟

الحلم

أستاذ سول التلاميذ ديالو كل واحد باش كايحلم.. واحد قاليه كانحلم نكون مهندس، واحد قاليه كانحلم نكون لاعب، و واحد قاليه كانحلم نولي نشد 2 مليون فالشهر بحال بابا ! هوا يسولو الأستاذ : بصح باباك كايشد 2 مليون فالشهر؟ فاش خدام؟ هوا يقول ليه : لا أستاذ حتا هو غير كايحلم!

الحريق

واحد البخيل في المغرب الحانوت ديالو شعلات فيها العافية هو يبيبي bip على البومبية.. حتا هوما كثر منو.. عيطو ليه، ملي هز التلفون قالو ليه : ويو ويو ويو

العريان

واحد الكلخستاني مشا يكمل قرايتو فالمغرب، واحد نهار نزل للشاطئ تبحر معا راسو ودار شي تصاور وصيفطهم لدارهوم فكلخستان، دارهوم ملي شافو التصاور صيفطو ليه 2 صيكان ديال الحوايج!

لاكوست

واحد المراهق مبلي بالموضة بزاف.. واحد النهار طاح فالواد و بدا كايغوت : واعتقو الروح ! هوا يبان ليه تمساح جاي ليه هوا يقول : الله.. فلوكة ديال لاكوست!

سقوط الطائرة

تحطمت طائرة ركاب من نوع إيرطوبيس TDI 240 يوم أمس فوق عاصمة كلخستان و بالظبط فوق المقبرة، وكانت الطائرة المنكوبة تحمل على متنها 133 راكبا من جنسيات نمساوية وإغريقية وراكب واحد فقط لاغير من جنسية كلخستانية وهو مدير شركة الملاحة الجوية الذي كان ذاهبا في رحلة استحمام إلى مدينة مولاي يعقوب المغربية لكن الحظ لم يحالفه وآحترق داخل الطائرة التابعة لشركته.

ولقد تدخلت على الفور و فور سقوط الطائرة بل قبل أن تنوي الطائرة السقوط قوات المرود والمطافئ والحرس الجمهوري والفريق النسوي للكرة الطائرة الذي صادف سقوط الطائرة وجوده فوق أرض المقبرة من أجل التداريب، وتدخل الجميع ووضعوا يدا في يد ورجلا في كتف من أجل آنتشال الضحايا وتقديم يد المساعدة للموتى وإسعاف المحروقين، وإلى حدود الساعة وصل عدد الجثث التي تم انتشالها 1750 جثة و مازال العمليات متواصلة إلى حد الآن.

وكالة كلخستان الدولية للأنباء

البطالة في المغرب الشقيق

رجل أعمال مغربي يتصل بصديقه الوزير من أجل أن يجد عملا لآبنه:

ـ ولدي قهرني موسيو لو مينيستر.. مازال ماكمل قرايتو.. مابغاش يخدم.. النهار و ماطال و هو يدور معا صحابو، ماكين غير الشراب و القصاير ماعرفت ما ندير معاه. واش ماتقدرش تلقى ليه شي خدمة ف الوزارة نتاعكم؟ 

ـ ماكاين حتا شي مشكل، غادي نعينو مساعد مدير و نديرو ليه أجرة ديال 5 مليون 

ـ لا سعادة الوزير، بغيتو يدير شي خدمة لي تعلمو القيمة ديال الخدمة الأجرة

ـ ماشي مشكل! نعينو رئيس قسم و نعطيوه 2مليون و نص فالشهر! آش بان ليك؟

ـ بزاف أ سعادة الوزير، بغيتو إلا خدم يعرف باللي يستاهل ديك الأجرة ديالو

ـ همم.. رئيس مصلحة؟ و يولي يشد 9000 درهم؟

ـ بزاف عليه.. أنا فالحقيقة بغيتو غير موظف بالسلم 5 ويشد ﺍﻟﺴﻤﻴﮓ 

ـ آ.. سمح ليا بزاف مون أمي، مانقدر ندير ليه والو فهاد الحالة 

ـ علاش سعادة الوزير؟ 

ـ فهاد النوع من الوظائف خاصو لابدا دبلوم!!!

الماتش

واحد الأستاذ (في كلخستان بالطبع) طلب من التلاميذ (كلخستانيين حتاهوم) يديرو إنشاء الموضوع ديالو "مباراة في كرة القدم" و يجيبوه معاهم الغد.. في الغد جاو التلاميذ و عطاو الإنشاء ديالهم للأستاذ إلا واحد.. قاليه الأستاذ علاش مادرتيش الواجب؟ قاليه : أستاذ راه المباراة تأجلت!

شعار قناة كلخستان

التلفزة الكلخستانية

أهلا و سهلا بكم في برامج القناة التلفزيونية الأولى و الأخيرة في جمهورية كلخستان. سنعمل من خلال برامجنا على عدم إرضاء سوى رغبات المدير، فنحن لا يمكن لنا إرضاء أذواق آلاف الكلخستانيين! لي ماعجبوش الحال يدير تلفازتو بوحدو.. أما عن شبكة برامجنا فستكون على حساب الوقت والبيع و الشرا ونفسية المدير العام

ـ افتتاح البرامج سيكون في تمام العاشرة حين يصل سعادة المدير إلى مكتب القناة

ـ النشيد الوطني بصوت عبيدات الرمى

ـ برنامج صباح الخير يا كلخستان من إعداد و تقديم الراقصة الموقرة نعيمة المسخرة

ـ برنامج عين على مارشي الدجاج

ـ برنامج عين على مارشي الحوت

ـ برنامج عين على مارشي الخضرة

ـ برنامج عين على مارشي الديسير

ـ الأخبار باللهجة الكلخستانية

ـ الأخبار بالجافا و +C

ـ برنامج أزيز الملاعب من تقديم علي حسن سلوكه

ـ الفيلم الموزامبيقي سنوات التشتت

ـ المسلسل المغربي "أحييانا عليك أ التهامي"

ـ برنامج الطبخ "كرعين لكل الأذواق" من تقديم شوميش

ـ الأخبار باللغة الآرامية

ـ البرنامج السياسي "راحنا عايقين"

ـ الفيلم العربي "الحب على الرصيف"

ـ الفيلم الأمريكي "American Killers"

ـ الأخبار الأخيرة

ـ بداية نهاية الإرسال

ـ مغادرة المدير العام لمقر القناة

ـ مغادرة الموظفين و العمال

ـ نهاية البث

ـ هييييييييييييييييييييييييييييييييييي

ـ إغلاق الباب بإحكام

ـ بداية التشاش

ـ يمكنكم متابعة البرامج في الراديو

القانون والدربوكة

مرسوم جمهوري عدد 1 : أحدث بموجبه هذا الموقع "كلخستان.نص كم" أهداف الموقع : الترفيه عن رعايانا و المتعاطفين معنا ومنحهم فضاء لآحتساء المشروبات وتقرقيب الناب و الضحك على خيبتنا. خلافا لما يمكن أن يدل عليه إسم دولتنا، نحن لسنا شعبا مكلخا، ولكننا آخترنا منهج الكلخ من أجل العيش طويلا، كما يقول جيراننا المغاربة "ما في الهم غير لي كايفهم". شعارنا لا نريد هما بعد اليوم، الضحك دستورنا، والقهقهة لغتنا الرسمية واللي ماعجبو حال يلوح راسو من التوين سنتر. وبه وجب الإعلام والسلام. وعاش الشعب الكلخستاني.

Exit : الدخول

أهلا و سهلا و مرحبا و تصبحو على خير في جمهورية كلخستان الديمقراطية الإشتراكية الشعبية الشرقية الرياضية الإقتصادية العظمى